– Gjatë vitit të kaluar janë shkatërruar 28 grupe kriminale, janë kryer 171 operacione, janë zbuluar 335 raste të kultivimit të marijuanës, janë asgjësuar 293.047 pemë marihuanë dhe janë arrestuar 273 persona. Janë sekuestruar 4 ton kanabis, 62 kilogramë heroinë, 23 kilogramë kokainë dhe 11 mijë tableta ekstazi. Një nga sfidat është lufta ndaj drogave sintetike, bëri të ditur ministri i Punëve të Brendshme Taulant Bala.
Duke iu përmbajtur krimit ekonomik, gjatë vitit 2023 në këtë zonë janë regjistruar 3395 raste me 4017 autorë të identifikuar, 815 janë ndaluar, pjesa tjetër janë proceduar penalisht. Janë shpërbërë pesë grupe kriminale nga fusha e krimit ekonomik, dy grupe nga fusha e krimit kompjuterik.
Për sa i përket mediave dhe rrjeteve sociale që paraqesin raste që krijojnë vlerësime të ndryshme për sjelljen e punonjësit të policisë, ai shprehet se duhet të respektohet urdhri i punonjësit të policisë.
– Ka raste kur nuk jeni dakord me urdhrin, por kjo nuk do të thotë se keni të drejtë të kundërshtoni, kërkoni një avokat. Urdhri është i detyrueshëm, e kundërta është krim. Nuk mund t’i rezistoni policit, urdhri duhet zbatuar, thotë Bala.
