Së bashku me ministrin e Shëndetësisë, Azir Aliu, kandidatin për kryetar komune, prof. Nexhmedin Sadiku, si dhe bashkëpunëtorë e aktivistë, zëvendëskryeministri Arben Fetai realizoi një vizitë në Shtëpinë e Shëndetit në Likovë, ku u pritën nga drejtori, Evzi Isufi.
Vizita kishte për qëllim identifikimin dhe avancimin e prioriteteve që do të garantojnë ofrimin e shërbimeve më të mira për qytetarët e Likovës. Mes planifikimeve të prezantuara ishin:
-
Ndryshimi i statutit të ISHP-së për mundësimin e shërbimeve specialistike.
-
Riorganizimi i sistematizimit për të hapur vende të reja pune dhe për të rritur efikasitetin.
-
Hapja e urgjencës stomatologjike, një kërkesë e kahmotshme e banorëve.
-
Aktivizimi i shërbimit të mjekut rural për vizita të rregullta në fshatrat e Malësisë.
-
Investime infrastrukturore për renovimin e hapësirave ku realizohen shërbimet mjekësore.
Fetai theksoi se qeveria mbetet e përkushtuar përmes bashkëpunimit të ngushtë me institucionet shëndetësore dhe vetëqeverisjen lokale, me qëllim sigurimin e kushteve më cilësore për shëndetin e çdo qytetari të komunës së Likovës.
