SHKUP – Një numër i madh i qytetarëve ende nuk i kanë marrë mjetet nga kthimi i TVSH-së për tremujorin e fundit. Përveç vonesave në pagesa, qytetarët e anketuar nga TV Alsat shprehen se shuma maksimale prej 2,100 denarësh është tejet e ulët për t’u përballur me koston e jetesës, duke e cilësuar këtë situatë si neglizhencë institucionale.
Ankesat e qytetarëve: “Shumë e vogël dhe me vonesë”
Gjatë anketimit, mendimet ishin të ndryshme, por dominonte pakënaqësia për vonesat dhe vlerën e limituar të kthimit:
-
Mungesa e pagesave: Shumica e të anketuarve konfirmuan se mjetet për kuartalin e katërt të vitit 2025 ende nuk kanë dalë në llogaritë e tyre.
-
Buxhet i pamjaftueshëm: Për shumë qytetarë, 2,100 denarë nuk mbulojnë as nevojat minimale, ndërsa disa të tjerë e shohin skanimin e kuponëve si “humbje kohe”.
-
Kritika për institucionet: “Vonohen paratë e DDV-së dhe mendoj se nuk është në rregull,” u shpreh një qytetare, duke theksuar se vonesat po bëhen të rregullta.
DAP: Pagesa është në rrjedhë, 5 mijë përdorues me të dhëna të gabuara
Nga Drejtoria e të Ardhurave Publike (DAP) thonë se procesi i pagesës ka nisur, por ka vështirësi teknike me një pjesë të përdoruesve.
-
Shuma totale: Janë paraparë të paguhen 924.5 milionë denarë për gjithsej 526,123 përdorues të aplikacionit.
-
Problemi me llogaritë: Mbi 5,000 qytetarë nuk mund t’i marrin mjetet për shkak të të dhënave të gabuara (numri i llogarisë transaksionale ose të dhëna të tjera personale të pasakta).
DAP u bën thirrje përdoruesve që të kontrollojnë të dhënat e tyre në aplikacion për të mundësuar realizimin e pagesës. Megjithatë, për pjesën dërrmuese që i kanë të dhënat në rregull, mbetet pyetja se kur do të përfundojë plotësisht ky proces që po zgjat më shumë se zakonisht.
