Zelensky: Ukraina dëshiron Paqe, por jo me Çmimin e heqjes dorë nga shteti

Presidenti i Ukrainës, Volodymyr Zelensky, ka deklaruar se vendi i tij dëshiron një paqe të drejtë dhe të plotë, por jo me çmimin e heqjes dorë nga territori i Ukrainës. Gjatë fjalimit të tij në Bruksel, ai u bëri thirrje udhëheqësve evropianë që të mbështesin hapat që ai ka përshkruar për arritjen e një paqeje të qëndrueshme, duke përfshirë një armëpushim në ajër dhe det, si dhe lirimin e të burgosurve për të krijuar besim mes palëve të përfshira. Zelensky theksoi se çdo masë për ndërtimin e besimit, siç është armëpushimi, mund të shërbejë vetëm si një hap i parë për një marrëveshje të plotë dhe gjithëpërfshirëse që garanton sigurinë dhe përfundimin e luftës.

Ai gjithashtu falënderoi liderët evropianë për mbështetjen e vazhdueshme dhe vlerësoi përpjekjet e Evropës për të mbështetur Ukrainën, duke theksuar se njerëzit e tij janë mirënjohës për solidaritetin që kanë marrë deri tani. Nga ana tjetër, Rusia ka përsëritur kundërshtimin e saj ndaj pranisë së trupave evropiane në Ukrainë, duke e cilësuar si një akt që mund të çojë në një “luftë të drejtpërdrejtë”.