Televizioni klan Makedonija bën të ditur se ekskluzivisht ka mësuar se Gjykata në Tetovë ka marrë vendim që vulat e partisë Aleanca për Shqiptarët t’i takojnë Ziadin Selës dhe jo Arben Taravarit. Në një prononcim për disa media në gjuhën shqipe, Sela tha se këtë ia ka konfirmuar avokati i tij që e përfaqësonte në mosmarrëveshjen me Taravarin.
Pas ndarjes mes Selës dhe Taravarit, ata vendosën të shkojnë në një rrugë tjetër politike, njëri në koalicion me Frontin Evropian të BDI-së dhe tjetri me koalicionin opozitar Vlen.