ÇEGRANË, 10 Shkurt 2026 – KF Arsimi ka goditur sërish në afatin kalimtar, duke prezantuar përforcimin më të ri në mesfushë, spanjollin Markel Goni Ibarguren. Lojtari ka nënshkruar një kontratë që do ta mbajë lidhur me klubin “verdh e zi” për 1.5 vitet e ardhshme.
Përvojë nga futbolli spanjoll dhe qipriot
Ibarguren vjen në Çegravë me një biografi të pasur, duke qenë pjesë e disa klubeve të njohura në Spanjë dhe jashtë saj. Karriera e tij përfshin eksperienca në:
-
Real Sociedad (akademia/ekipet zinxhir)
-
Rayo Cantabria
-
Zamora FC
-
Arenas
-
Achyronas (Qipro)
Ambicje të reja me “Yellow Black Army”
Klubi ka shprehur kënaqësinë për arritjen e marrëveshjes, duke e cilësuar mesfushorin si një vlerë të shtuar për ekipin në sfidat e mbetura të sezonit.
“I urojmë shëndet e shumë fat me fanellën dhe familjen verdh e zi! Mirë se erdhe, Markel!”, thuhet në njoftimin zyrtar të KF Arsimit.
Ky transferim dëshmon rritjen e ambicieve të klubit, i cili po kërkon të ndërtojë një skuadër konkurruese duke ndërthurur talentin vendas me përvojën ndërkombëtare.
