Transmetuesi ndërkombëtar gjerman Deutsche Welle (DW) duhet të kursejë rreth 21 milionë euro për periudhën 2026/2027, pas uljes së buxhetit shtetëror dhe rritjes së kostove të pagave.
- Shkurtimet kryesore:
- Mbyllet redaksia në gjuhën greke, pas 60 vitesh traditë.
- Ndalohet emisioni televiziv “Europeo”, i cili transmetohej në gjashtë gjuhë në 11 vende, përfshirë edhe Ballkanin.
- Reduktohet prodhimi i lajmeve televizive në gjuhën spanjolle.
- Shkurtohen programe në gjuhët dari dhe pashto për Afganistanin, si dhe në portugalisht për Afrikën.
- Rreth 160 vende pune do të preken, megjithëse drejtoria e DW ka theksuar se nuk do të ketë largime të detyruara.
- Reagime: Drejtoresha e DW, Barbara Massing, e cilësoi masat si “shumë të dhimbshme”, duke paralajmëruar se ato dobësojnë konkurrueshmërinë e transmetuesit në një kohë kur prania gjermane dhe evropiane në hapësirën globale të informacionit është jetike. Kryeredaktorja e shërbimit grek, Dimitra Kiranudi, e quajti vendimin “një ditë të trishtuar për lirinë e medias dhe demokracinë në Evropë”.
DW aktualisht transmeton në 32 gjuhë dhe, sipas të dhënave të vetë institucionit, arrin çdo javë tek rreth 337 milionë përdorues në mbarë botën përmes televizionit, radios dhe internetit.
