Analisti Blerim Latifi ka vlerësuar se Ardian Gjini është një nga kandidaturat më serioze për kryeministër dhe figura më e kompletuar e AAK-së në shumë aspekte.
“Ardian Gjini përfaqëson një politikan të formuar, me përvojë të gjatë në jetën institucionale. Mendoj që kandidatura e tij për kryeministër është një nga kandidaturat më serioze që i kemi në këto zgjedhje. Ardian Gjini është një politikan që është i interesuar për ato që më së shumti i mungojnë skenës politike – idetë konkrete se si t’u jepet rrugëzgjidhje problemeve të shumta”, është shprehur Latifi në emisionin Pressing.
