Komuna e Sarajit ka siguruar një hap vendimtar për realizimin e një projekti shumë të kërkuar nga banorët. Siç njofton KohaNEWS, Qeveria ka miratuar vendimin për dhënien në shfrytëzim të përhershëm të tokës shtetërore në Sfillare të Poshtme, duke krijuar kështu parakushtet për ndërtimin e çerdhes së re.
Sipas informacioneve, tejkalimi i pengesave administrative që kishin zvarritur këtë proces ndër vite është bërë në një afat rekord. Ky projekt konsiderohet si një ndër prioritetet kryesore për përmirësimin e infrastrukturës arsimore dhe shërbimeve për fëmijët dhe familjet e këtij vendbanimi.
Siç transmeton KohaNEWS, ky vendim dëshmon angazhimin e autoriteteve për zhbllokimin e projekteve të pezulluara dhe përmirësimin e kushteve të jetesës në Komunën e Sarajit. Pas këtij vendimi, pritet që proceset e mëtejshme për realizimin e çerdhes të vijojnë pa vonesa.
/KohaNEWS
