Pas reagimeve dhe ankesave të shumta nga qytetarët lidhur me ndalimin e rrjedhës së lumit Drini i Zi, Komuna e Strugës ka ndërhyrë menjëherë duke kërkuar sqarime dhe llogaridhënie nga institucionet kompetente.
Nga SHA ELEM është njoftuar se ndërprerja e përkohshme e rrjedhës erdhi si pasojë e një defekti teknik në një kabllo elektrike. Ekipet në terren janë angazhuar për sanimin e prishjes, ndërsa rrjedha e lumit pritet të normalizohet plotësisht sapo të përfundojnë ndërhyrjet teknike.
Kryetari i Komunës, Mendi Qyra, ka kërkuar zgjidhjen e menjëhershme të problemit, duke vënë në pah domosdoshmërinë e mbrojtjes dhe ruajtjes së Drinit të Zi si një ndër pasuritë më të çmueshme natyrore të Strugës.
/KohaNEWS
