FSHF dhe Policia e Shtetit paralajmërojnë për hyrjen dhe rregullat e ndeshjes së 16 nëntorit
Ndeshja e madhe ndërmjet Shqipërisë dhe Anglisë do të zhvillohet në stadiumin “Air Albania” të dielën, më 16 nëntor 2025. Për të garantuar një zhvillim të sigurt dhe të rregullt të aktivitetit, Policia e Shtetit dhe Federata Shqiptare e Futbollit (FSHF) kanë vendosur disa masa organizative dhe udhëzime për tifozët.
Orientimi dhe tabela informative
Në ditën e ndeshjes, stafi i stadiumit do të vendosë tabela orientuese në perimetrin e jashtëm, për të lehtësuar gjetjen e hyrjeve dhe tribunave sipas biletave. Kjo do të ndihmojë tifozët të gjejnë vendet e tyre shpejt dhe të shmangin rrëmujën.
Kontrolli i sendeve dhe siguria
Në hyrje do të ketë kontrolle fizike dhe koshë plastike për dorëzimin e sendeve të ndaluara. Gjithashtu, monedhat dhe sendet e vegjël do të grumbullohen nga përfaqësuesit e Kryqit të Kuq, në mënyrë që hyrja në stadium të bëhet sa më e sigurt dhe e shpejtë.
Rregullat për hyrjen në stadium
-
Të gjithë tifozët duhet të kenë biletën e vlefshme; fëmijët nuk mund të hyjnë pa biletë, pavarësisht moshës.
-
Biletat e falsifikuara ose të dublikuara nuk do të pranohen nga sistemi elektronik.
-
Portat hapen tre orë përpara ndeshjes; tifozët duhet të arrijnë me kohë dhe të ndjekin udhëzimet e personelit të sigurisë.
FSHF falënderon tifozët për bashkëpunimin dhe i fton të gjithë të krijojnë një atmosferë sportive dhe të sigurt, duke respektuar rregullat dhe udhëzimet.
