Është duke u përgatitur një ndeshje boksi Ibrahimovic – Rooney

Mams Taylor, promotori i organizatës “Misfits Box” njoftoi për një sherr në ring mes Zlatan Ibrahimovic dhe Wayne Rooney.

Prej disa kohësh është përfolur se Zlatan mund të provojë boksin dhe tani ka ardhur konfirmimi.

“Kam biseduar me Zlatanin për luftën. Unë jam mik i mirë me menaxherin e tij dhe ne të tre diskutuam këtë temë. Ishte shumë interesante sepse Zlatan ka parë shumë zënka në organizimin tonë dhe e di se për çfarë bëhet fjalë. Ai do të ishte një boksier i madh”, tha Taylor dhe më pas zbuloi emrin e rivalit:

“Siç qëndrojnë gjërat, kundërshtari i Zlatanit do të jetë Rooney. Ka pasur bisedime për këtë dhe mendoj se është vetëm çështje kohe. Ka emra të tjerë, por nuk janë aq të mëdhenj sa këta të dy”.

Për momentin nuk dihet se kur mund të masin forcat këshilltari në Milano dhe trajneri i Plymouth. Rooney njihet si adhurues i madh i boksit, por deri më tani nuk ka folur për luftën e mundshme.

Të dy luajtën së bashku në Manchester United ku fituan Europa League, League Cup dhe Community Shield.