Komandanti i Misionit të NATO-s në Kosovë, gjeneralmajor Özkan Ulutaş, priti gjeneral Metin Tokel, Komandantin e Forcave Tokësore Turke, ku diskutuan situatën e sigurisë në Kosovë dhe bashkëpunimin e vazhdueshëm të Turqisë me KFOR-in.
Ulutaş shprehu mirënjohjen për profesionalizmin e ushtarëve turq dhe theksoi rëndësinë e mbështetjes së tyre në zbatimin e mandatit të KFOR-it për një mjedis të sigurt dhe të qëndrueshëm.
KFOR punon në koordinim të ngushtë me Policinë e Kosovës dhe EULEX-in, duke siguruar lirinë e lëvizjes dhe reagim të paanshëm ndaj sfidave të sigurisë në rajon.
