Blerant Ramadani: Individët e instrumentalizuar bëhen assesi pasqyrë e kolektivitetit
-Akte të Izoluara, Jo Zë i Komunitetit!- Djegia e flamujve shtetëror gjatë festimeve të 28 Nëntorit është një akt që e dënojmë ashpër dhe nuk reflekton as vlerat kombëtare, as frymën e mirëkuptimit dhe bashkëjetesës në rajon. Shqiptarët kanë një histori të pasur që promovon respektin ndaj kulturave dhe simboleve të tjerëve, një parim që duhet të udhëheqë sjelljet tona në çdo rrethanë e vend. Festa e 28 Nëntorit duhet të jetë një moment krenarie për trashëgiminë dhe arritjet tona kombëtare, jo një rast për akte provokative që dëmtojnë marrëdhëniet ndëretnike dhe fqinjësore. Gjithashtu, apeloj ndaj të gjithë qytetarëve që të festojnë me dinjitet dhe respekt, duke promovuar vlera që ndërtojnë urë lidhëse midis popujve dhe jo përçarje. Akte të tilla janë veprime të panevojshme që nuk përfaqësojnë asnjë komunitet në tërësinë e tij, por vetëm individë ose grupe që zgjedhin konfliktin mbi dialogun dhe bashkëpunimin.
