Italia dërgon edhe 49 migrantë në Shqipëri bazuar në marrëveshjen me Tiranën

Një anije e marinës italiane mbërriti sot në Shqipëri me 49 migrantë të kapur në ujërat ndërkombëtare, të cilët kërkojnë azil dhe strehim në qendrat speciale të migrantëve shqiptare, sipas marrëveshjes kontraverse mes Italisë dhe Shqipërisë.

Ky është tentimi i tretë për dërgimin e migrantëve në Shqipëri në kuadër të kësaj marrëveshjeje, pas pengesave të shfaqura në gjykatat italiane për shkak të tentativave të mëparshme.

Ministria italiane e Brendshme nuk e specifikoi kombësinë e migrantëve që u sollën në Shëngjin, i cili ndodhet 66 kilometra në veriperëndim të kryeqytetit Tiranë, por mediat italiane raportuan se ata vijnë nga Bangladeshi, Egjipti, Bregu i Fildishtë dhe Gambia.

Tentimi i ri për përpunimin e migrantëve në Shqipëri vjen pas dy tentativave të pasuksesshme në tetor dhe nëntor, kur gjykatësit italianë refuzuan të miratojnë qëndrimin e dy grupeve të vogla migrantësh në qendrat shqiptare të migrantëve, sipas marrëveshjes kontraverse mes Italisë dhe Shqipërisë.