KËRÇOVË – Kryetari i Lëvizjes BESA dhe njëherazi kryetar i Komunës së Tetovës, Bilall Kasami, së bashku me deputeten Valbona Adili Emini, ka zhvilluar një takim me udhëheqësinë e degës së Lëvizjes BESA në Kërçovë.
Takimi u mbajt në një atmosferë miqësore dhe bashkëbisedimi të hapur, ku u diskutua rreth rrjedhës së zgjedhjeve, sfidave aktuale politike dhe hapave të ardhshëm organizativë në nivel lokal dhe rajonal.
Sipas njoftimit, theksi i veçantë i takimit iu kushtua domosdoshmërisë së unifikimit dhe koordinimit të plotë mes strukturave partiake, duke u vlerësuar si faktor kyç për forcimin e subjektit VLEN në Kërçovë dhe rritjen e kapaciteteve organizative në prag të proceseve të ardhshme politike.
Kryetari Kasami theksoi rëndësinë e punës së përbashkët në terren, komunikimit të vazhdueshëm me anëtarësinë dhe ndërtimit të një strukture të qëndrueshme politike që reflekton interesin e qytetarëve.
Nga ana e saj, deputetja Valbona Adili Emini nënvizoi nevojën për koordinim strategjik dhe veprim të unifikuar, duke e cilësuar Kërçovën si një zonë me rëndësi të veçantë për konsolidimin e alternativës politike që përfaqëson VLEN.
Takimi u vlerësua si një hap pozitiv drejt forcimit të bashkëpunimit brendapartiak dhe rritjes së efikasitetit politik në nivel lokal.
