Një ngjarje e rëndë ka ndodhur në rrugët e Shqipërisë, ku personazhi i njohur i rrjeteve sociale, Suada Muça, është rrahur brutalisht. Pamjet e këtij sulmi janë bërë shpejt virale në internet, duke shkaktuar reagime të shumta te ndjekësit e saj.
Në një paraqitje të drejtpërdrejtë (Live) në TikTok, e ndodhur në një gjendje të rënduar emocionale dhe me shenja të dukshme dhune në fytyrë e trup, Suada ka treguar detaje nga incidenti. Sipas saj, ajo është sulmuar nga një grup personash në mes të rrugës.
“3-4 burra dhe një femër më rrahën, si s’iu vjen turp”, është shprehur ajo gjatë videos, ku shihet teksa qan dhe tregon lëndimet e marra. Sipas pretendimeve të saj, ky sulm ka qenë i mirëmenduar dhe është kryer si një akt hakmarrjeje.
Ngjarja ka ngritur shqetësime të mëdha lidhur me sigurinë dhe dhunën që po nxitet nga konfliktet në rrjetet sociale. Deri më tani, nuk ka një njoftim zyrtar nga autoritetet policore lidhur me identifikimin apo arrestimin e agresorëve të përfshirë në këtë rast.
View this post on Instagram
