Përzgjedhësi i Kombëtares së Kosovës, Franco Foda, ka publikuar zyrtarisht listën prej 25 futbollistëve të ftuar për dy ndeshjet e ardhshme miqësore të muajit maj dhe qershor. Ajo që bie në sy menjëherë dhe përbën befasinë më të madhe është mungesa e dy shtyllave kryesore të “Dardanëve”, kapitenit Amir Rrahmani dhe sulmuesit kryesor Vedat Muriqi.
Pavarësisht këtyre mungesave të mëdha, Foda ka shfrytëzuar këtë grumbullim për të sjellë gjak të ri dhe risi në skuadër, duke ftuar emra si Dardan Shabanhaxhaj, Valmir Matoshi e Rilind Nivokazi, ndërsa është rikthyer në ekip edhe Bersant Celina.
Lista e plotë e të ftuarve:
-
Portierë: Arijanet Muriq, Amir Shaipi, Visar Bekaj.
-
Mbrojtës: Mërgim Vojvoda, Lumbardh Dellova, Ilir Krasniqi, Ron Raçi, Albian Hajdari, Andi Hoti, Dion Gallapeni.
-
Mesfushorë dhe Sulmues: Ermal Krasniqi, Baton Zabërgja, Vesel Demaku, Veldin Hoxha, Elvis Rexhbeçaj, Lindon Emërllahu, Leon Avdullahu, Edon Zhegrova, Muharrem Jashari, Albion Rrahmani, Fisnik Asllani, Dardan Shabanhaxhaj, Valmir Matoshi, Rilind Nivokazi, Bersant Celina.
Në listën e zgjeruar (rezervë) janë përfshirë edhe: Faton Maloku, Florian Haxha, Kreshnik Krasniqi, Ismet Lushaku, Bledian Krasniqi dhe Meriton Korenica.
Orari i grumbullimit dhe ndeshjet:
Kosova do të nisë grumbullimin zyrtar këtë të mërkurë, ditë në të cilën selektori Franco Foda do të dalë edhe në konferencë për media për të sqaruar zgjedhjet e tij dhe mungesat e yjeve.
“Dardanët” do të luajnë ndeshjen e parë miqësore në udhëtim kundër Çekisë më 31 maj, ndërsa më 7 qershor do të presin Andorrën në stadiumin “Fadil Vokrri” në Prishtinë.
