Më 25 nëntor, në seancën qeveritare do të vendoset për emrat e të besuarve të Qeverisë në katër komunat ku më 11 janar do të mbahen zgjedhje të reja, pas dështimit të censuseve më 19 tetor për të arritur një të tretën e votuesve.
Komuna që do të përfshihen janë: Gostivar, Vrapçisht, Qendër Zhupë dhe Mavrovë-Rostushë. Afati për dorëzimin e listave të kandidatëve për kryetar për këto katër komuna është deri më 11 dhjetor në mesnatë, ndërsa shorti për radhitjen e kandidatëve në fletat e votimit do të bëhet deri më 17 dhjetor.
Fushata zgjedhore do të nisë 20 ditë para ditës së zgjedhjeve, nga 22 dhjetori deri më 9 janar në mesnatë.
Kujtojmë se më 19 tetor, pjesëmarrja në këto komuna ishte: Gostivar 33.31%, Vrapçisht 25.18%, Mavrovë dhe Rostushë 30.31%, dhe Qendër Zhupë 21.49%.
