Prokuroria e Stambollit ka shtrirë hetimet në disa nivele, duke goditur një rrjet që përfshin jo vetëm drogën, por edhe prostitucionin:
-
Tregtia e drogës: Urdhër-arreste janë lëshuar për Eser Küçükerol dhe İsmail Ahmet Akçay, të akuzuar për prodhim dhe trafikim.
-
Rrjeti i prostitucionit: Katër persona (Yiğit Macit, Mehmet Ali Gül, Gizem Tiredi dhe Mehmet Güçlü) akuzohen për “nxitje dhe lehtësim të prostitucionit”.
-
Armëmbajtja: Saim Macit akuzohet për shkelje të ligjit për armët e zjarrit.
Aktorja Eyüboğlu u dërgua në Institutin e Mjekësisë Ligjore për analiza të gjakut dhe flokëve. Edhe pse u lirua pas procedurave, emri i saj është kthyer në simbolin e këtij skandali që ka pushtuar mediat turke. Ndërkohë, shteti ka sekuestruar pasuritë e biznesmenit Kasim Garipoğlu, i cili është gjithashtu në kërkim.
“Lufta” e Erdoganit kundër VIP-ave
Ky aksion nuk është i rastësishëm. Burime mediatike konfirmojnë se urdhri ka ardhur drejtpërdrejt nga Presidenti Recep Tayyip Erdogan. Ai ka udhëzuar Ministrinë e Brendshme që të rrisë presionin mbi “rrethet e privilegjuara” dhe të pastrojë skenën publike nga droga dhe prostitucioni.
Autoritetet kanë deklaruar hapur: “Nuk ka më imunitet për askënd”. As popullariteti, as statusi i yllit dhe as numri i ndjekësve në rrjetet sociale nuk do t’i shpëtojnë personat publikë nga inspektimet e rrepta. Stambolli, si qendra e jetës kulturore dhe artistike, është aktualisht “në radarin” e policisë, ku priten arrestime të tjera të bujshme.
