BUCHS, ZVICËR – Një ngjarje e rëndë ka tronditur komunitetin shqiptar në Zvicër. Një grua 71-vjeçare me origjinë nga Kosova është gjetur e vrarë në një ndërtesë banimi në Buchs të Cyrihut, në orët e para të së mërkurës.
Policia Kantonale e Cyrihut u njoftua pak pas mesnatës për praninë e një trupi të pajetë. Me të mbërritur në vendngjarje, ekipet e emergjencës konfirmuan vdekjen e të moshuarës, ndërsa policia e cilësoi ngjarjen si një “krim të dhunshëm”.
Tre të arrestuar në vendngjarje Lidhur me këtë rast, policia ka arrestuar tre persona që u gjetën brenda shtëpisë ku ndodhi krimi. Të arrestuarit janë:
-
Një grua zvicerane, 48-vjeçare;
-
Dy burra zviceranë, të moshës 27 dhe 51-vjeçare.
Hetimet në vijim Zëdhënësja e Policisë Kantonale për mediat zvicerane u shpreh se rrethanat dhe motivi i këtij krimi mbeten ende të paqarta. Aktualisht, Zyra e Prokurorit Publik për Krime të Rënda të Dhunshme ka nisur një hetim të detajuar për të zbardhur sekuencën e ngjarjeve dhe lidhjen midis të dyshuarve dhe viktimës.
Deri më tani, autoritetet nuk kanë dhënë detaje të mëtejshme mbi mjetin e krimit apo nëse të dyshuarit kishin lidhje familjare me 71-vjeçaren.
