KALABRI, ITALI – Kryetari i Komunës së Strugës, Mendi Qyra, mori pjesë në festimet e Shën Mitrit (San Demetrio Corone), i njohur si “kryeqyteti” kulturor i arbëreshëve të Kalabrisë. Vizita u realizua me rastin e inaugurimit të Teatrit të Arbëreshëve dhe Konventës Arbërore 2026, një ngjarje madhore e organizuar nga “Gazeta e Alpeve”.
Teatri i Arbëreshëve: Një shtëpi për gjuhën dhe traditën
Në fjalën e tij përshëndetëse, kryetari Qyra theksoi se ky teatër i ri nuk është thjesht një hapësirë artistike, por një qendër e gjallë për ruajtjen e gjuhës dhe rrënjëve arbërore. Ai vlerësoi se Teatri i Shën Mitrit do t’i shërbejë të gjithë komunitetit shqiptar kudo që ndodhet, duke forcuar kujtesën kolektive.
Binjakëzimi dhe bashkëpunimi Struga-Kalabri
Gjatë takimit me kryetarin e Shën Mitrit, Ernesto Madeo, u riafirmua lidhja e fortë mes dy komunave tashmë të binjakëzuara. Pikat kryesore të bashkëpunimit përfshijnë:
-
Performancat artistike: Pritet që grupet folklorike strugane të ngjiten së shpejti në skenën e re në Kalabri.
-
Manifestimet tradicionale: Arbëreshët do të vazhdojnë të jenë mysafirë nderi në “Këngë Jeho” dhe “Mbrëmjet e Strugane të Poezisë”.
-
Arsimi: Vazhdimësia e projekteve mes Gjimnazit të Strugës “Dr. Ibrahim Temo” dhe Kolegjit historik të Shën Adrianit.
Përfaqësimi strugan në Konventë
Një moment i veçantë për delegacionin e Strugës ishte udhëheqja e Konventës Arbërore 2026 nga Xhemi Hajredini, udhëheqës i Sektorit për veprimtari publike në Komunën e Strugës, i cili moderoi këtë ngjarje të rëndësishme mbarëshqiptare.
Në këtë aktivitet morën pjesë personalitete të larta politike dhe fetare nga Italia, Shqipëria dhe Kosova, duke e shndërruar Shën Mitrin në qendrën e bashkimit kulturor arbëror.
