Rekordet demografike në Kroaci: Komuna e Salit ndan rreth 8.000 euro për lindjen e fëmijës së parë, Viri jep deri në 26.000 euro

Sipas të dhënave të fundit nga Ministria e Demografisë dhe Migrimit në Kroaci, komunat dhe qytetet po aplikojnë masa gjithnjë e më të fuqishme financiare për të stimuluar natalitetin. Në krye të listës për mbështetjen e fëmijës së parë dhe të dytë pozicionohet komuna e Salit, e cila ndan rreth 7.963 euro për secilin rast.

Menjëherë pas saj renditet komuna e Razhanacit me një mbështetje prej 7.000 eurosh për fëmijën e parë dhe të dytë.

Mbështetja financiare sipas numrit të fëmijëve

Stimujt financiarë pësojnë rritje të ndjeshme varësisht nga radha e lindjes së fëmijëve, ku disa komuna ofrojnë shuma rekorde për familjet e mëdha:

• Fëmija e parë dhe e dytë: Komuna Sali udhëheq me 7.963 euro. Për fëmijën e parë, shuma të konsiderueshme ndajnë edhe Razhanaci (7.000 euro), Povljana dhe Kolani (rreth 3.000 euro), si dhe qyteti Imotski (2.500 euro). Për fëmijën e dytë, Povljana e rrit shumën në 6.000 euro, ndërsa Imotski në 5.000 euro.

• Fëmija e tretë dhe e katërt: Qytetet Imotski dhe Novska prijnë me nga 10.000 euro për të dyja rastet. Shuma të larta ndajnë edhe Stari Grad në Hvar (9.310 euro) dhe Povljana (9.000 euro).

• Fëmija e pestë: Komuna Vir mban rekordin absolut duke ofruar 26.000 euro për fëmijën e pestë, masë kjo që shoqërohet edhe me çerdhe falas dhe bursa studentore.

Top 10 komunat më bujare për fëmijën e pestë

Tabela e mëposhtme pasqyron njësitë administrative që ofrojnë mbështetjen më të madhe financiare për lindjen e fëmijës së pestë në Kroaci:

Përveç komunave bregdetare dhe ishullore që dominojnë listën për nga lartësia e mjeteve, mbështetje solide prej rreth 2.000 eurosh për fëmijën e parë ofrojnë edhe disa njësi të tjera si Novi Vinodolski, Gjulovac, Magadenovac dhe qyteti Otoçac (1.990 euro).