Gjatë reshjeve të dendura të shiut, ekipet e Ndërmarrjes Publike Komunale “Sharri” Tetovë kanë qenë vazhdimisht në terren, duke ndërhyrë në kohë për t’u ardhur në ndihmë qytetarëve.
Punonjësit kanë reaguar në disa pika kritike të qytetit, me qëllim parandalimin e vërshimeve, pastrimin e pusetave dhe garantimin e funksionimit normal të shërbimeve komunale.
Nga NPK “Sharri” bëjnë të ditur se angazhimet në terren do të vazhdojnë deri në stabilizimin e plotë të situatës dhe sigurimin e qarkullimit normal në qytet.
