Emigrantët shqiptarë në Britaninë e Madhe po përballen sërish me sfida politike. Sekretarja e Brendshme laburiste, Shabana Mahmood, ka vendosur të ndërpresë ndihmën financiare për 700 familje shqiptare që nuk kanë përfituar azil, pavarësisht prejardhjes së saj nga një familje emigrantësh.
Kryeministri shqiptar, Edi Rama, ka reaguar ashpër, duke e cilësuar këtë politikë si diskriminuese dhe stereotipizuese. Rama thekson se shqiptarët janë kontribuues neto në ekonominë britanike dhe se numri i atyre që marrin përfitime sociale është shumë i ulët krahasuar me komunitete të tjera.
Sipas tij, kufizimet e lëvizjes dhe vizat e vendosura nga pala britanike dëmtojnë jo vetëm lirinë themelore të qytetarëve, por edhe bashkëpunimin mes dy vendeve në çështje sigurie dhe kontrolli kufitar. Rama i bën thirrje Mbretërisë së Bashkuar që të fokusohet në thellimin e partneritetit me Shqipërinë, duke shmangur demonizimin e qytetarëve shqiptarë.
