Hapet ambulancë në Kodrën e Diellit

Drejtori i Kodrës së Diellit, Gani Alija

Sot, me kënaqësi të veçantë, hapëm zyrtarisht ambulancën në Kodër të Diellit, një hap i rëndësishëm që erdhi pas kërkesës së Ski-Qendrës për ta vënë në funksion këtë shërbim, i cili ka qenë jo funksional që nga koha e pandemisë COVID-19.

Bashkë me Drejtorin e IPSH-Spitali Klinik Tetovë, z.Agim Berisha, realizuam këtë hap, që do të sigurojë asistencë shëndetësore për vizitorët dhe skiatorët gjatë këtij sezoni dimëror.

Falënderojmë Drejtorin që e pranoi ftesën tonë dhe që bëri të mundur këtë rikthim të rëndësishëm. Nga sot, ambulanca do të jetë e hapur për të gjithë deri në përfundimin e sezonit turistik!