Anthony Cordle, me një karrierë të gjatë në shërbim ushtarak, politikë dhe marrëdhënie ndërkombëtare, vizitoi Tetovën, duke sjellë përvojën e tij të pasur profesionale dhe jetësore. Nga aktiviteti i tij në Britani dhe Afrikë, Cordle ka zgjedhur një ambient më të qetë dhe fleksibil, duke u fokusuar tek komuniteti dhe shërbimi publik.
Takimi u zhvillua pas pjesëmarrjes së mysafirëve në mëngjesin e lutjeve në SHBA, ku ishte i pranishëm edhe Kasami. Gjatë takimit u diskutuan projektet aktuale në Tetovë, vizioni për të ardhmen e komunës dhe mënyrat për të përfshirë komunitetin lokal në iniciativat zhvillimore.
Kryetari Kasami theksoi se transparenca, bashkëpunimi dhe zhvillimi i qëndrueshëm mbeten prioritete kryesore të qeverisjes lokale, duke kombinuar përvojat ndërkombëtare me nevojat dhe aspiratat e qytetarëve të Tetovës.
Ky takim është edhe një dëshmi e vizionit të Kasamit, i cili, si kandidat për një mandat tjetër, mbetet i përkushtuar për ta çuar Tetovën drejt një të ardhmeje më të zhvilluar dhe më transparente.
