E ftuar në televizionin Alsat, halla e këngëtarit të ndjerë Shpat Kasapi ka folur për herë të parë pas humbjes së tij, duke ndarë kujtimet dhe emocionet për karrierën e shkëlqyer të nipit.
Ajo përkujtoi pasionin dhe suksesin që Shpati arriti në skenën shqiptare, por nuk nguroi të shprehej edhe për dhimbjen që ndjeu për mungesën e bashkëpunimeve me kolegët e tij në momentet e fundit të karrierës.
“Ajo që më dhemb më shumë është se Shpati kërkoi, kërkoi bashkëpunime e ndoshta as mesazhet nuk ia kanë lexuar! Pse nuk i duam kurrë kur kemi njëri-tjetrin? Kjo është e dhimbshmë”, rrëfeu halla e tij, duke prekur zemrat e publikut.
Ky rrëfim riktheu kujtimet për një artist të talentuar, i cili la pas një trashëgimi të çmuar muzikore në skenën shqiptare.
