Një lajm i papritur ka shpërthyer në mediat spanjolle, duke paralajmëruar lëvizjen më të bujshme të trajnerëve për sezonin e ardhshëm. Sipas emisionit prestigjioz “El Chiringuito de Jugones”, Diego Simeone është gati të braktisë Atletico Madridin pas 15 viteve, për t’u rikthyer te Interi në Serie A, siç transmeton Kohanews.
Burimet spanjolle specifikojnë se mes argjentinasit dhe klubit zikaltër ekziston tashmë një akord paraprak, lajm ky që ka ndezur debate të forta në opinionin sportiv.
Një lëvizje e papritur mes suksesit të Chivus Ajo që e bën këtë skenar edhe më sensacional është forma fantastike e Interit nën drejtimin e Cristian Chivus. Zikaltrit sapo kanë blinduar titullin e tyre të 21-të (Scudetto), duke krijuar një distancë prej 10 pikësh nga Milani pas fitores së fundit ndaj Lecces.
Pse tani?
-
Rikthimi në “shtëpi”: Për Simeonen, Interi nuk është thjesht një ekip, por një rikthim në klubin ku la gjurmë si lojtar.
-
Fundi i një cikli: Pas një dekade e gjysmë në Madrid, “Cholo” duket se ka ezuaruar energjitë e tij te “Los Colchoneros”.
-
Sfidë e re në Itali: Edhe pse Chivu po korr suksese, emri i Simeones shihet si garanci për të tentuar majat e Evropës.
Megjithëse për momentin mbetemi në nivelin e pretendimeve nga Spanja, ardhja e mundshme e Simeones në Milano do të riformatonte totalisht hierarkinë e stolave në futbollin evropian.
/ KOHANEWS
