Ashhabati, kryeqyteti i Turkmenistanit, është i njohur për një veçori mjaft të pazakontë – pothuajse të gjitha makinat në rrugë janë të bardha. Ky nuk është një vendim që lidhet me shijet e shoferëve, por rezultat i rregullave strikte shtetërore.
Që në vitin 2018, u mor vendimi që ndalon rreptësisht qarkullimin e automjeteve me ngjyrë të zezë apo me ngjyra të tjera shumë të ndezura në qytet. Edhe pse autoritetet nuk kanë dhënë kurrë një shpjegim zyrtar për këtë masë, ajo shpesh ndërlidhet me ish-presidentin Gurbanguly Berdimuhamedov, i cili e konsideronte ngjyrën e bardhë si simbol të fatit dhe lumturisë.
Përveç makinave të bardha, rrallëherë mund të shihen edhe automjete në ngjyrë argjendi apo ari, por rregullat nuk mbarojnë me kaq – makinat duhet të jenë gjithashtu të pastra si drita. Policia gjobit rregullisht shoferët nëse automjetet e tyre janë të ndotura, duke e kthyer larjen dhe mirëmbajtjen e makinës në një detyrim ligjor të përditshëm në Ashhabat.
Epiteti “Qyteti i Bardhë” nuk i është vendosur rastësisht. Që nga fillimi i shekullit të 21-të, autoritetet urdhëruan që të gjitha ndërtesat e reja të visheshin me mermer të bardhë. Si rezultat i kësaj politike, qyteti sot mban Rekordin Botëror Guinness për përqendrimin më të lartë të ndërtesave prej mermeri të bardhë në botë.
Rreth Turkmenistanit
-
Vendndodhja: Ndodhet në Azinë Qendrore, pranë Detit Kaspik.
-
Kufijtë: Turkmenistani shpalli pavarësinë pas shpërbërjes së Bashkimit Sovjetik dhe kufizohet me Kazakistanin, Uzbekistanin, Afganistanin dhe Iranin.
-
Izolimi: Ky shtet konsiderohet si një nga vendet më të mbyllura në botë. Turizmi nuk përbën prioritet për autoritetet; brenda një viti lëshohen vetëm rreth 10,000 viza turistike, duke e mbajtur Turkmenistanin si një mister të vërtetë për pjesën tjetër të globit.
