Pas shumë vitesh, me ardhjen e Feti Abazit në krye të komunës së Bogovinës, përpos shumë realizimesh projektesh anembanë komunës, në fshatin Zherovjan, ka filluar sot rikonstruimi i sallës sportive.
Në rinovim, janë përfshirë zëvendësimi i dyerve dhe dritareve, ulëset e tribunave, fasada, dyshemeja dhe riinstailimi i rrymës elektrike.
Postimi i plotë:
“Fillon rikonstruktimi i Sallës Komunale Sportive në Zherovjan!
Sot nisëm punimet për rikonstruktimin e Sallës Komunale Sportive në Zherovjan, një investim i rëndësishëm që do ta rikthejë këtë objekt në funksion të nxënësve, sportistëve dhe të gjithë sportdashësve të komunës sonë.
Në kuadër të këtij projekti do të realizohet zëvendësimi i dyerve dhe dritareve, renovimi i ulëseve të tribunave, vendosja e paneleve të reja të fasadës, rikonstruktimi i dyshemesë sportive, instalimi i sistemit të ri elektrik dhe nyjeve sanitare, si dhe lyerja dhe rregullimi i plotë i ambienteve të brendshme.
Ky investim është një tjetër dëshmi e përkushtimit tonë për të krijuar kushte më të mira për zhvillimin e sportit, edukimit dhe aktiviteteve rekreative.
Vazhdojmë të investojmë në objekte moderne dhe funksionale, në shërbim të qytetarëve të Komunës së Bogovinës”, ka njoftuar Abazi, në Facebook.
