Uashington, SHBA – Profesori Festim Halili po zhvillon një vizitë zyrtare në Shtetet e Bashkuara të Amerikës, ku po realizon një sërë takimesh të nivelit të lartë në institucionet amerikane.
Një mik i veçantë në Kapitoll
Gjatë qëndrimit në Uashington, Prof. Halili u prit në United States Capitol nga kongresmeni i Kalifornisë, Juan Vargas, njëherësh mik i dëshmuar i rajonit tonë. Takimi u karakterizua nga momente emocionale kur kongresmeni Vargas rrëfeu se gjatë luftës në Kosovë, ai kishte strehuar në shtëpinë e tij një familje refugjate kosovare për dy vite me radhë.
”Jemi të bekuar dhe mirënjohës që kemi miq të tillë. Ky akt human i kongresmenit Vargas tregon lidhjen e pathyeshme mes nesh,” u shpreh Halili.
Agjenda e ngjeshur: Arsimi, Siguria dhe Diplomacia
Vizita e Profesor Halilit do të vijojë me objektiva të qarta për fuqizimin e bashkëpunimit në disa fusha:
Arsimi i Lartë: Takime me drejtues të universiteteve amerikane për shkëmbime akademike.
Siguria: Pjesëmarrje në konferencën vjetore për siguri që mbahet në ambientet e Kongresit.
Eventi i Lutjeve Nacionale: Pjesëmarrje në ceremoninë e Lutjeve Nacionale të Mëngjesit (National Prayer Breakfast), ku i pranishëm do të jetë edhe Presidenti Donald Trump.
Kjo vizitë rikonfirmon rëndësinë e bashkëpunimit strategjik me SHBA-në në sferën e arsimit dhe politikës, duke hapur rrugë të reja për projekte të përbashkëta në të ardhmen.
