Komuna e Tuzit ka nisur me sukses ditën e parë të turneut ndërkombëtar të basketbollit 3×3, “Tuzi Open 2K26”. Ndeshjet e para u zhvilluan në sheshin “Gjergj Kastrioti – Skënderbeu”, ku u pasqyruan lojëra cilësore dhe një atmosferë e shkëlqyer sportive.
Detajet e turneut dhe agjenda:
-
Kualifikimet: Në garë morën pjesë gjithsej 18 ekipe, ndërsa vizën për në turneun kryesor e siguruan skuadrat Gunners 3×3 dhe Termosistem.
-
Vazhdimi i garave: Sot nga ora 17:00 do të startojnë ndeshjet e turneut kryesor.
-
Transmetimi: Përballjet e fazës çerekfinale nisin nga ora 21:00 dhe të gjithë adhuruesit e këtij sporti do të mund t’i ndjekin ato drejtpërdrejt në kanalin televiziv Arena Sport 3.
Autoritetet lokale u kanë bërë thirrje qytetarëve dhe sportdashësve që të mblidhen në shesh për të mbështetur këtë ngjarje të rëndësishme sportive që po organizohet në Tuz.
/KohaNEWS
