Komuna e Strugës njofton se nga data 2 dhjetor 2025 do të fillojë faza e re e punimeve ndërtimore për rikonstruksionin dhe zëvendësimin e rrjetit të ujësjellësit me tubacione azbest-çimento në një pjesë të rrugës “Marshal Tito”, në segmentin që lidhet me rrugën “Velko Vllahoviq” (krahu 4).
Punimet do të zhvillohen në:
-
Segmentin nga Tregu i Qytetit drejt varrezave (krahu 4 dhe krahu 8),
-
Një pjesë të rrugës “Turistike”, në drejtim të Stacionit Policor (krahu 9).
Në Komunën e Strugës u mbajt sot edhe një takim koordinues me përfaqësues të kompanisë ekzekutuese “Markoski K73”, ndërmarrjes publike Ujësjellës dhe Kanalizim, si dhe përfaqësues të Policisë së Komunikacionit, me qëllim sigurimin e punimeve pa ndërprerje dhe menaxhimin e qarkullimit.
Komuna kërkon mirëkuptim nga qytetarët për kufizimet e mundshme në qarkullim gjatë realizimit të projektit.
