Kryetari i Bashkisë së Elbasanit, Gledian Llatja, zhvilloi një takim me konsulentët e Kuadrit të Investimeve për Ballkanin Perëndimor (IPF12) dhe drejtues të Hekurudhës Shqiptare për linjën hekurudhore Rrogozhinë–Pogradec. Projekti parashikon tren elektrik me shpejtësi deri në 120 km/orë dhe ka si qëllim zhvillimin e infrastrukturës dhe ekonomisë rajonale.
Llatja theksoi se Elbasani është pjesë e projekteve transformuese që rrisin lëvizshmërinë dhe mundësitë për komunitetin. Ndërtimi dhe rehabilitimi i linjës do të shkurtrojë distancat, rrisë sigurinë dhe do të ulë emetimet ndotëse nga transporti rrugor, duke kontribuar në një infrastrukturë më të qëndrueshme dhe miqësore me mjedisin.
