Titulli: Klubi i notit “Shkendija Swim” shënon sukses në garat ndërkombëtare ATLAS WINTER CUP 2025
Klubi i notit “Shkendija Swim” ka shënuar një hap historik për sportin e Tetovës, duke u bërë klubi i parë shqiptar nga ky qytet që merr pjesë në garat prestigjioze ndërkombëtare ATLAS WINTER CUP 2025, të mbajtura në Shkup.
Ky aktivitet shënoi paraqitjen e parë ndërkombëtare për klubin, duke u ofruar sportistëve të rinj një mundësi të shkëlqyer për t’u njohur me konkurrencën e nivelit të lartë. Rezultatet e arritura vlerësohen si tejet inkurajuese për rrugëtimin e tyre të ardhshëm në disiplinën e notit.
Rezultat i shkëlqyer nga Jara Beadini Në një konkurrencë të fortë me rreth 70 pjesëmarrës, notarja Jara Beadini arriti të renditet në vendin e 19-të në kategorinë e saj. Me këtë performancë, ajo përfaqësoi me dinjitet ngjyrat e klubit dhe qytetin e Tetovës.
Komuna e Tetovës ka përgëzuar sportistët për punën dhe përkushtimin e tyre, duke e cilësuar këtë si një fillim premtues për notin tetovar në arenën ndërkombëtare.
