15 Maj 2026 – Ministri i Mbrojtjes i Shqipërisë, Ermal Nufi, ka shpalosur detaje mbi bashkëpunimin trepalësh ushtarak me Kroacinë strained Kosovën, duke u ndalur njëkohësisht edhe te zhvillimet e fundit rajonale. Gjatë një konference për mediat, ministri deklaroi se stërvitja e përbashkët që po zhvillohet mes NATO-s dhe ushtrisë serbe nuk përbën asnjë shqetësim për vendin.
Sipas ministrit Nufi, aleanca me Kroacinë bazohet në strategjinë e përbashkët të mbrojtjes si dy vende anëtare të NATO-s, ndërsa partneriteti me Kosovën fokusohet kryesisht në industrinë e mbrojtjes dhe prodhimin e mjeteve ushtarake.
“Fakti që Shqipëria dhe Kroacia janë pjesë e NATO-s, dhe në Kosovë është prezenca e KFOR-it si mision i aleancës, tregon që stërvitja e NATO-s me ushtrinë serbe është më shumë një nxitje e flakës mediatike atje, sesa diçka tjetër”, nënvizoi ministri Nufi.
Detajet mbi stërvitjet e përbashkëta
Nga ana tjetër, Shefi i Shtabit të Përgjithshëm të Forcave të Armatosura, Arben Kingji, sqaroi se planet për manovrat e ardhshme ushtarake janë tashmë në zhvillim e sipër.
Kingji bëri të ditur se njëra nga stërvitjet do të zhvillohet në Kroaci, ku trupat janë aktualisht në fazën e planifikimit, ndërsa një tjetër do të mikpritet nga Shqipëria. Ai shtoi se në këto stërvitje pritet të përfshihen edhe vende të tjera, qoftë anëtare të NATO-s apo shtete partnere.
