Në mbledhjen e jashtëzakonshme të Komisionit Disiplinor pranë Federatës së Futbollit të Maqedonisë, janë marrë vendimet e mëposhtme:
-
Për shkak të organizimit të dobët të ndeshjes KF VARDARI – KF BASHKIMI, thirrjeve fyese dhe nacionaliste nga ana e grupit të tifozëve të KF Vardarit dhe përdorimit të mjeteve piroteknike të ndaluara, klubi i KF VARDARIT dënohet me ndalesë të pranisë së publikut për një ndeshje dhe gjobë në para në vlerë prej 5.000 euro.
Komisioni Disiplinor konstaton se vendimi i delegatit të ndeshjes për shqiptimin e vërejtjes për shkak të thirrjeve nacionaliste është i drejtë, ashtu si dhe vendimi i gjyqtarit për ndërprerjen e përkohshme të ndeshjes.
-
Komisioni Disiplinor hap procedurë kundër delegatit të ndeshjes KF SHKËNDIJA Haraçinë – KF PRESPA për shkak të mosdorëzimit të fakteve relevante në lidhje me situatën rreth vendosjes së flamurit shtetëror në stadium, si dhe rrethanave të tjera lidhur me organizimin dhe rrjedhën e ndeshjes, përkatësisht praninë e personave jozyrtarë në terren gjatë ndeshjes.
Komisioni Disiplinor do të veprojë në përputhje me rregulloret në fuqi dhe pas vërtetimit të plotë të gjendjes faktike do të marrë vendimin përkatës.
