Një epokë po përfundon në “Etihad Stadium”. Manchester City ka konfirmuar zyrtarisht se kapiteni Bernardo Silva do të largohet nga klubi në fund të këtij sezoni, kur edhe i skadon kontrata aktuale.
Lajmi, i cili qarkullonte prej javësh në mediat angleze dhe portugeze, u vërtetua nga ndihmësi i Pep Guardiolës, i cili lëshoi një deklaratë emocionuese për rëndësinë e mesfushorit.
19 Trofe dhe 450 Ndeshje: Trashëgimia e Silvës
Bernardo Silva, tashmë 31-vjeçar, iu bashkua “Qytetarëve” nga Monaco në vitin 2017. Gjatë rrugëtimit të tij mbresëlënës me fanellën e City-t, ai ka arritur shifra rekord:
-
Ndeshje: 450 paraqitje zyrtare.
-
Trofe: 19 tituj në total, duke përfshirë 6 kampionate të Premier League dhe Ligën e Kampionëve.
“Bernardo është unik, nuk ka zëvendësues”
Në deklaratën e tij, stafi teknik i City-t theksoi se është e pamundur të gjesh një lojtar që bën atë që bën portugezi në fushë.
“Asnjëherë nuk kërkon zëvendësues për një lojtar të tillë sepse thjesht nuk ekziston një i dytë. Bernardo është unik. Mënyra si e kontrollon lojën, si lëviz dhe si gjen zgjidhje në fushë është e paimitueshme. Çdo histori e mirë e ka një fund dhe shpresoj që ai t’i shijojë këto gjashtë javë të mbetura për t’u përshëndetur siç e meriton,” u tha në njoftimin e klubit.
Manchester City tani shpreson që talentet nga akademia dhe lojtarët e rinj të blerë së fundmi të bëjnë hapi përpara për të mbushur boshllëkun e madh që do të lejë largimi i kapitenit në mesfushë.
