Presidenti i Napolit, Aurelio De Laurentiis, ka konfirmuar me fakte se klubi nuk është në shitje, duke refuzuar një ofertë historike që kapte vlerën e rreth 2 miliardë eurove. Kjo shifër konsiderohet jashtëzakonisht e lartë dhe tejkalon ndjeshëm vlerat me të cilat janë shitur klube të tjera të mëdha italiane, si Milani dhe Interi, në vitet e kaluara.
Sipas raportimeve të “Corriere dello Sport”, oferta e bujshme u paraqit nga Matt Rizzetta, presidenti i Napoli Basket dhe i Campobassos, i cili është njëkohësisht një prej themeluesve të fondit amerikan Underdog Global Partners.
Plani i grupit investitor amerikan nuk kufizohej vetëm te futbolli, por synonte:
-
Zgjerimin e investimeve në sporte të tjera në të gjithë rajonin.
-
Ndërtimin dhe përmirësimin e strukturave të ndryshme sportive përmes lidhjeve me kompanitë ndërkombëtare të ndërtimit.
Pavarësisht projektit të madh gjeografik dhe infrastrukturor që kishin ideuar amerikanët, përgjigja negative e De Laurentiis ka bllokuar përfundimisht planet e tyre, duke rikonfirmuar vullnetin e tij për të qëndruar në krye të klubit napolitan.
