Një alternativë mahnitëse pranë Irlandës me plazhe të mrekullueshme dhe çmime të lira.
Maldivet janë sinonim i luksit dhe plazheve me rërë të bardhë, por udhëtimi atje kërkon fluturime të gjata dhe shpenzime të larta. Një javë në një vilë mbi ujë gjatë sezonit të pikut mund të kushtojë mbi 2,300 euro për dy persona, pa përfshirë biletat e avionit.
Për ata që kërkojnë bukuri tropikale pa shpenzime të majme, Shqipëria është një alternativë perfekte. E njohur nga ekspertët si “Maldivet e Evropës”, Shqipëria ofron plazhe të kristalta dhe ujëra bruz, por me çmime shumë më të përballueshme.
Pushime luksoze pa shpenzime të mëdha
Akomodimet luksoze buzë detit fillojnë nga vetëm 23 euro nata, ndërsa një darkë në restorant kushton rreth 18 euro për dy persona. Me pak para, turistët mund të përjetojnë luks dhe relaksim pranë Adriatikut dhe Jonit.
Si të arrini në Shqipëri nga Irlanda
Fluturimet nga Irlanda janë të përballueshme, edhe pse nuk ka fluturime direkte nga Dublini në Tiranë. Alternativa përfshin ndalesa me linja ajrore si Lufthansa (nëpërmjet Mynihut ose Frankfurtit), Brussels Airlines (përmes Brukselit) ose Swiss (përmes Zyrihut). Çmimet e biletave vajtje-ardhje fillojnë nga rreth 142 euro, me kohëzgjatje fluturimi që ndryshon nga 5 orë e 20 minuta deri mbi 8 orë, sipas ndalesave.
Një tjetër mundësi është të fluturohet në Korfuz, Greqi, dhe pastaj të merret trageti për në bregdetin shqiptar për rreth 18 euro në secilin drejtim, duke kombinuar dy destinacione në një udhëtim.
Pse Shqipëria po bëhet destinacion viral
Me plazhet e saj mahnitëse, peizazhet spektakolare dhe çmimet të përballueshme, Shqipëria po tërheq vëmendjen e turistëve dhe po shpërndahet masivisht në mediat sociale. Ekspertët e udhëtimeve e konsiderojnë si një nga destinacionet më të mira për pushime për turistët irlandezë gjatë vitit 2025.