Kryetari i Komunës së Tetovës, Bilall Kasami, realizoi një vizitë të ngrohtë në familjen Kabashi, një nga familjet më të vjetra të qytetit, e pranishme në historinë e Tetovës prej më shumë se 300 vjetësh.
Gjatë takimit me kryefamiljarin, z. Ibrahim Kabashi, u zhvillua një bashkëbisedim për traditën, historinë dhe kontributin e familjes në jetën shoqërore e sportive të Tetovës.
Familja Kabashi ka pasur një rol të rëndësishëm në themelimin e KF Shkëndija, pasi mbledhja historike e vitit 1979 u mbajt pikërisht në çajtoren e tyre, e cila për shumë vite ka qenë vendtakim i qytetarëve dhe personaliteteve të Tetovës.
“Familja Kabashi është shembull i lidhjes së fortë mes traditës dhe dashurisë për Tetovën,” u shpreh Kasami.
