Departamenti i Financave i SHBA-ve ka vendosur të suspendojë pjesërisht sanksionet kundër gjigandit energjetik rus “Lukoil”, duke mundësuar që pikat e tij të karburantit jashtë Rusisë të vazhdojnë operimin.
Ky vendim i lejon pikave të shitjes me pakicë të “Lukoil” të shërbejnë klientët, ndërsa parandalon që të ardhurat të kthehen në Rusi, e cila është nën sanksione të plota nga SHBA dhe BE që nga fillimi i luftës në Ukrainë.
Departamenti i Financave tha se vendimi ka për qëllim të ulet ndikimi ndaj konsumatorëve dhe furnizuesve që marrin pjesë në transaksione normale me pikat e karburantit të “Lukoil”. Ky është një pezullim i pjesshëm i masave të vendosura në tetor nga ish-presidenti Donald Trump.
Trump, pasi u mendua gjatë, vendosi sanksione ndaj “Lukoil” dhe “Rosneft” më 21 tetor për shkak të refuzimit të Vladimir Putinit për të ndalur luftën në Ukrainë. Kjo detyroi blerësit më të mëdhenj të naftës ruse të kërkojnë furnizues alternativë.
