Përdoruesit e internetit në të gjithë botën po raportojnë ndërprerje masive në platformat që përdorin Cloudflare, duke përfshirë Zoom, Canva, LinkedIn dhe Down Detector.
Cloudflare ofron shërbime për një numër faqesh të njohura, duke përfshirë Discord, Notion, X, Spotify, Canva, GitHub dhe Stack Overflow.
Problemet prekën edhe platformat e shitjeve – Shopify, Etsy, Wayfair, H&M – si dhe disa media, duke përfshirë Politico, Axios, BBC dhe të tjera.
Edhe Down Detector, faqja që gjurmon ndërprerjet e internetit dhe të aplikacioneve, aktualisht po përjeton vështirësi.
Cloudflare është një kompani që ndihmon pothuajse një në pesë faqe interneti të sigurojnë dhe menaxhojnë trafikun e tyre të internetit. Shumë nga platformat që tani nuk funksionojnë përdorin serverat e tyre.
Në fund të nëntorit, një ndërprerje e ngjashme preku dhjetëra faqe interneti që përdornin Cloudflare, duke bërë që bashkëthemeluesi dhe drejtori ekzekutiv i kompanisë, Matthew Prince, të kërkonte falje “për dhimbjen që i kemi shkaktuar internetit”, shkroi ai në një postim në blog.
Ndërprerja u shkaktua nga një defekt i sistemit që mbron faqet e internetit nga sulmet DDoS – një përpjekje për të përmbytur një server me trafik dhe për ta çaktivizuar atë. Prince theksoi se incidenti i mëparshëm nuk ishte rezultat i një sulmi kibernetik.
Ende nuk dihet se çfarë e shkaktoi ndërprerjen e sotme.
