Parashqevi Simaku rikthehet pas qëndrimit në spital, bashkëpunon me Mira Konçin dhe Ina Simakun
Këngëtarja e njohur shqiptare, Parashqevi Simaku, ka bërë një rikthim të mrekullueshëm pas një periudhe të vështirë shëndetësore, duke dalë nga spitali pas qëndrimit katërjavësh.
Lajmin e ka shpërndarë biznesmeni shqiptar Elton Ilirjani, i cili ka postuar foto të këngëtares në takime me miq dhe artistë të ndryshëm.
Në një video të shpërndarë në rrjetet sociale, Parashqevia shfaqet duke kaluar momente të gëzuara me Mira Konçin dhe Ina Simakun, ku ato interpretojnë së bashku serenatën e njohur korçare, “Kur vjen behari”, duke rikthyer kështu atmosferën e gëzueshme në shoqërinë e tyre.
