Prishtinë, 09 Mars 2026 – Deputeti i PDK-së dhe ish-ministri i Jashtëm, Enver Hoxhaj, ka lëshuar akuza të rënda ndaj dyshes Albin Kurti dhe Vjosa Osmani, duke e cilësuar përplasjen e tyre të fundit si dëshmi të një qeverisjeje dështuar që ka dëmtuar themelet e shtetit të Kosovës.
“Armiku i armikut tim është miku im”
Përmes një video-mesazhi në Facebook, Hoxhaj kritikoi logjikën politike që po mbizotëron në vend, duke thënë se asnjëra palë në këtë konflikt nuk përfaqëson interesin publik. Ai u bëri thirrje qytetarëve dhe opozitës që të mos bien në grackën e mendimit se armiqësia mes ish-presidentes dhe ish-kryeministrit është domosdoshmërisht në favor të opozitës.
Nga “Koalicioni i Shpresës” në “Boshtin e së Keqes”
Hoxhaj ishte i ashpër në cilësimet e tij për rrugëtimin politik të Kurtit dhe Osmanit:
-
Mashtrimi me shpresën: “Këta të dy që rrejshëm erdhën në pushtet si një koalicion i shpresës, u treguan se janë boshti i së keqes,” deklaroi ai.
-
Bixhozi me shtetin: Sipas Hoxhajt, akuzat e ndërsjella që po shkëmbejnë sot tregojnë realitetin e tyre. “Që të dy kanë luajtur bixhoz me shtetin, demokracinë, shoqërinë dhe mediat në Kosovë.”
Goditja ndaj procesit demokratik
Deputeti i PDK-së akuzoi dyshen se gjatë kohës që ishin në pushtet, kanë bërë gjithçka për të asgjësuar zërin opozitar. Ai përmendi konkretisht:
-
Pengimin e opozitës: Sipas tij, vitin e kaluar i është pamundësuar opozitës të ketë një kandidat për kryeministër në kushte të barabarta.
-
Manipulimin me zgjedhjet: Ai i akuzoi për caktimin e qëllimshëm të datave të pafavorshme për zgjedhje, me qëllim ruajtjen e pushtetit.
Hoxhaj përfundoi duke thënë se ky konflikt i fundit nuk është asgjë tjetër veçse pasojë e një qeverisjeje që interesat personale dhe pushtetin i vendosi mbi shtetësinë e Kosovës.
