Parlamenti Europian ka miratuar rregullat e reja që mbrojnë të drejtat e udhëtarëve, duke garantuar bagazh dore falas dhe kompensim financiar për vonesat apo anulimet e fluturimeve. Pas më shumë se një dekade negociatash, këto ndryshime pritet të hyjnë në fuqi në vitin 2027.
Pikat kryesore të vendimit:
-
Kompensimi financiar: Pasagjerët do të përfitojnë nga 250 deri në 600 euro në rast vonesash mbi 3 orë apo anulimesh. Kompanitë kanë 30 ditë afat për të kryer pagesën.
-
Bagazhi i dorës: Çdo pasagjer do të ketë të drejtën e një sendi personal falas (përmasat deri në 40x30x15 cm). Kompanitë janë të detyruara të jenë transparente me çmimet që në fillim të rezervimit.
-
Lehtësira shtesë: Pasagjerëve nuk do t’u kërkohen më tarifa për korrigjimin e gabimeve të vogla në emër dhe do të kenë qasje të lirë në kartat dixhitale të hipjes në avion, pa detyrimin e përdorimit të aplikacioneve specifike.
Ky vendim është pritur si një fitore e konsumatorëve, ndërsa kompanitë ajrore kanë shprehur shqetësimin se kjo mund të ndikojë në çmimin final të biletave.
