Samsung ka prezantuar zyrtarisht pajisjen e parë të saj triherë të palosshme, duke zgjatur më tej dominimin në segmentin e telefonëve fleksibël. Galaxy Z TriFold vjen si modeli më inovativ dhe më me ekranin më të madh nga linja Galaxy Fold deri më sot.
Dizajni dhe mekanizmi i ri i palosjes
Kompania koreane ka zhvilluar një sistem të ri me dy mentesha titani, që mbron plotësisht ekranin kur pajisja është e mbyllur. Ndryshe nga zgjidhjet e Huawei-t, ekrani i jashtëm pozicionohet në pjesën e pasme, ndërsa dy segmentet e ekranit fleksibël palosen drejt qendrës.
Kur hapet plotësisht, ekrani i brendshëm arrin 10 inç, me rezolucion 2160×1584 px, ritëm rifreskimi 1–120Hz dhe ndriçim maksimal 1600 nits. Në anën e djathtë ndodhet kamera e brendshme 10MP.
Ekrani i jashtëm
Ekrani i kapakut është 6.5 inç, me rezolucion 2520×1080 px, 120Hz dhe ndriçim deri në 2600 nits, i mbrojtur nga Gorilla Glass Ceramic 2. Edhe këtu Samsung ka vendosur një kamerë selfie 10MP.
Funksionaliteti dhe softueri
Galaxy Z TriFold vjen me OneUI 8 të bazuar në Android 16 dhe ka opsione të zgjeruara për multitasking, përfshirë hapjen e tre aplikacioneve njëkohësisht në madhësi të plotë.
Është gjithashtu telefoni i parë i Samsung që mbështet Samsung DeX të pavarur, duke e kthyer pajisjen në një përvojë të ngjashme me desktopin pa nevojën e pajisjeve shtesë.
Dizajni fizik dhe materialet
Telefoni është befasueshëm i hollë: vetëm 3.9 mm në pikën më të hollë, falë kornizës alumini Advanced Armor. Pesha është 309 gramë, ndërsa dimensionet e palosura janë 159.2 × 75 × 12.9 mm. Pajisja është e certifikuar me IP48 kundër ujit dhe pluhurit.
Hardueri dhe kamerat
-
Procesor: Snapdragon 8 Elite for Galaxy
-
RAM: 16GB
-
Ruajtje: 512GB ose 1TB
Sistemi i kamerave të pasme përfshin:
-
200 MP sensor kryesor (ISOCELL HP2)
-
10 MP telefoto me zmadhim 3x
-
12 MP ultra-wide
Bateria dhe karikimi
Bateria me kapacitet 5,600 mAh ndahet në tre njësi të vendosura në panelet e pasme. Mbështetet karikim me:
-
45W me kabllo
-
15W wireless
Disponueshmëria dhe çmimi
Galaxy Z TriFold do të ofrohet fillimisht në Korenë e Jugut duke filluar nga 12 dhjetori, me çmim rreth 2,500 dollarë për versionin 16GB/512GB. Zgjerimi global pritet të vijë më vonë. Pajisja do të jetë në një ngjyrë të vetme: Crafted Black.
