Enti Shtetëror i Statistikës ka bërë të ditura të dhënat zyrtare mbi ndërtimet pa leje në vend gjatë vitit 2025, ku janë evidentuar gjithsej 911 objekte të ndërtuara në kundërshtim me rregulloret ligjore.
Struktura e ndërtimeve pa leje: Sipas raportit, pjesën më të madhe të këtyre objekteve e përbëjnë ndërtimet për qëllime banimi:
-
Objekte banimi: 169 raste (18,6%), ku përfshihen 128 objekte ekskluzivisht banesore, 24 objekte kryesisht banesore dhe 17 objekte për pushim e rekreacion.
-
Rrethoja: 164 objekte (18%).
-
Objekte afariste: 116 objekte (12,7%).
-
Strehëza: 113 objekte (12,4%).
-
Zgjerime, mbindërtime dhe adaptime: 110 objekte (12,1%).
-
Objekte ndihmëse: 106 objekte (11,6%).
-
Garazhe: 79 objekte (8,7%).
Pjesën tjetër të statistikave e plotësojnë tarracat verore (2,4%), objektet e përkohshme (1,9%), shkallët (1%) dhe tarracat (0,7%).
Të dhënat tregojnë gjithashtu se një përqindje e lartë, përkatësisht 96,1 për qind e këtyre objekteve të ndërtuara pa leje, janë në pronësi private.