Mbrëmjen e 16 shkurtit, në Pallatin e Kulturës në Tetovë, u zhvillua aktiviteti i dytë i programit të Myftinisë së Tetovës për muajin e Ramazanit, me moton “Mirë se erdhe Ramazan”.
Ky aktivitet solli një atmosferë të ngrohtë shpirtërore dhe emocionale, duke përgatitur besimtarët për muajin e madhërueshëm të Ramazanit. Programi u pasurua me ligjërata, recitime dhe mesazhe të përkushtimit, duke e bërë natën një moment të veçantë për komunitetin.
Myftinia e Tetovës, përmes këtij cikli aktivitetesh, synon të afrojë besimtarët me vlerat e Ramazanit dhe të krijojë një klimë të bashkimit dhe solidaritetit në prag të muajit të shenjtë.
